ប្រវត្តិមជ្ឈមណ្ឌល អ៊ី អេហ្វ ខេ អេឃើដឹមី

មជ្ឈមណ្ឌល អ៊ី អេហ្វ ខេ អេឃើដឹមី គឺជាមជ្ឈមណ្ឌលសិក្សាឯកជនមួយដែលផ្តោតលើការសិក្សាពីចម្ងាយហើយបានចាប់ផ្តើមបង្កើតឡើងនៅថ្ងៃទី៤ ខែសីហា ឆ្នាំ២០២១ ដោយផ្តើមចេញពីការសហការ-គ្នារវាងលោកគ្រូ ធា ថាត និងលោកគ្រូវឿត ពន្លក និងបានអភិវឌ្ឍទៅជាមជ្ឈមណ្ឌលដែលចុះបញ្ជីនៅក្រសួង នៅថ្ងៃទី៦ ខែកញ្ញា ឆ្នាំ២០២៣។ មជ្ឈមណ្ឌល មានឈ្មោះពេញជាភាសាខ្មែរ “មជ្ឈមណ្ឌល អ៊ី អេហ្វ ខេ អេឃើដឹមី ”និងជាភាសាអង់គ្លេស “EFK Academy ”ហើយឈ្មោះ “EFK” នេះផ្គុំទ្បើងដោយ ៣ពាក្យធំៗដូចជា “E” មកពីពាក្យ Electronic “F” មកពីFactory និង “K” មកពីពាក្យ Knowledge ។

មជ្ឈមណ្ឌល បាននិងកំពុងបណ្ដុះបណ្ដាលថ្នាក់ សំខាន់ៗ រួមមាន៖

១.ថ្នាក់ភាសាអង់គ្លេសគ្រប់កម្រិត ចាប់ពីដំបូងដល់កម្រិតខ្ពស់
២. ថ្នាក់ភាសាចិនថ្នាក់ដំបូង និងសន្ទនា
៣. ថ្នាក់ភាសាបារាំងថ្នាក់ដំបូង និងសន្ទនា
៤. វគ្គសិក្សាថ្នាក់កុំព្យូទ័រ គ្រប់កម្រិត

បច្ចុប្បន្ន មជ្ឈមណ្ឌលផ្តល់ជូននូវកម្មវិធីសិក្សាតាមវិធីសាស្ត្រធំៗ ទាំង២គឺ៖
១. ការសិក្សាតាមរយៈវីដេអូ (Offline Learning)
២. ការសិក្សាតាមប្រព័ន្ធអេឡិចត្រូនិក (Online Learning)

មជ្ឈមណ្ឌលក៏បានរៀបចំប្រព័ន្ធស្វ័យសិក្សាតាមរយៈការបង្កើតឱ្យមាន៖
១. យូធូប (YouTube) សម្រាប់សិស្សធ្វើការសិក្សាដោយខ្លួនឯងផ្ទាល់នូវរាល់មេរៀនល្អៗ និងថ្មីៗយ៉ាងសម្បូរបែប
២. មេរៀនចែករំលែកតាមប្រព័ន្ធអេឡិចត្រូនិក ( Facebook page, Tik Tok ) សម្រាប់ផ្តល់ភាពងាយស្រួលដល់សិស្សសិក្សា និងដើម្បីចែករំលែកដំណឹងសិក្សាថ្មីៗផងដែរ ។

គោលបំណង

១.ចូលរួមចំណែកអភិវឌ្ឍវិស័យអប់រំ និងបង្កើនធនធានមនុស្សប្រកបដោយប្រសិទ្ធភាពនៅកម្ពុជា ជាមួយរាជរដ្ឋាភិបាលដែលមានក្រសួងអប់រំ យុវជន និងកីឡា ដើម្បីជួយជម្រុញសមត្ថភាព និងចំណេះដឹងផ្នែកភាសា និងជំនាញផ្នែកបច្ចេកវិទ្យា
២.ផ្តោតលើសិស្សចំណេះដឹងទូទៅ និងសិស្សគ្រប់កម្រិតដែលមានបំណងចង់មានចំណេះដឹងផ្នែកភាសា និងជំនាញកុំព្យូទ័រ និង សិស្សមកពីបណ្តាខេត្ត-ក្រុងនានា ជាពិសេសសិស្សដែលរស់នៅតំបន់ដាច់ស្រយ៉ាល និងសិស្សដែលមានភាពមមាញឹកនឹងការងារពុំមានពេលសិក្សាក្នុងថ្នាក់ផ្ទាល់ ឲ្យបន្តមកសិក្សានៅមជ្ឈមណ្ឌល អ៊ី អេហ្វ ខេ អេឃើដឹមីឲ្យបានច្រើន។
៣.ទទួលយកសិស្សគ្រប់កម្រិតទូទាំងប្រទេសកម្ពុជាក៏ ដូចជាសិស្សគ្រប់ប្រភេទ ដែលមកពីបណ្តាខេត្តនានាឲ្យមកបន្តការសិក្សាជាមួយមជ្ឈមណ្ឌល អ៊ី អេហ្វ ខេ អេឃើដឹមី ដោយមិនកំណត់ ភេទ អាយុ ព័ណ៌សប្បុរ និន្នាការនយោបាយ និងសាសនាឡើយ ។

ចក្ខុវិស័យ

មជ្ឈមណ្ឌល អ៊ី អេហ្វ ខេ អេឃើដឹមី នឹងក្លាយជាមជ្ឈមណ្ឌលអប់រំឯកជនមួយ ដែលឈានមុខគេ និងល្បីឈ្មោះជាងគេនៅក្នុងប្រទេសកម្ពុជា លើការបណ្តុះបណ្តាលថ្នាក់ភាសាអង់គ្លេស ភាសាបារាំង ភាសាចិន និងកុំព្យូទ័រ មានបង្រៀនទាំងតាមរយៈZoom និងតាមវីដេអូ ។ សិស្សដែលបានបញ្ចប់ការសិក្សាពី មជ្ឈមណ្ឌល អ៊ី អេហ្វ ខេ អេឃើដឹមី នឹងមានសមត្ថភាពគ្រប់គ្រាន់ទាំងផ្នែកបញ្ញាស្មារតី ចំណេះដឹងទូទៅ ភាសា និងជំនាញកុំព្យូទ័រ ហើយអាចបន្តការសិក្សានៅសាកលវិទ្យាល័យនានាទាំងក្នុងប្រទេស និងក្រៅ ប្រទេសប្រកបដោយជោគជ័យ ស្របតាមពាក្យស្លោករបស់ អ៊ី អេហ្វ ខេ អេឃើដឹមី គឺ បរិបទសិក្សាថ្មី ជោគជ័យលឿន ។

អត្ថប្រយោជន៍

សិស្សានុសិស្សនឹងទទួលបាន
•ការសិក្សាជាមួយលោកគ្រូ អ្នកគ្រូ ដែលមានបទពិសោធន៍ និងសមត្ថភាពខ្ពស់ក្នុងការបង្រៀន
•កម្មវិធីសិក្សាមានពីរប្រភេទ គឺសិក្សាតាមវីដេអូ និងសិក្សាតាមកម្មវិធីស៊ូមជាមួយលោកគ្រូអ្នកគ្រូផ្ទាល់។
•ថ្នាក់ជំនាញកុំព្យូទ័រមាន៤(Ms Word & Ms Excel, Power Point, Photoshop)។
•ចំណេះដឹង ចំណេះធ្វើ បទពិសោធន៍ ពីវាគ្មិនល្អៗដែលមានចំណេះដឹងផ្នែកភាសាដើម្បីធ្វើការចែករំលែកពីវិធីសាស្ត្រនៃការសិក្សាដែលប្រកបដោយប្រសិទ្ធភាព។
•ឱកាសទទួលបានការបញ្ចុះតម្លៃពិសេស២ប្រភេទសម្រាប់សិស្សថ្នាក់ស៊ូមដែលសិក្សានៅEFK៖
១.ទទួលបានការបញ្ចុះតម្លៃពិសេស១០%សម្រាប់សិស្សានុសិស្សដែលបានសិក្សាចាប់ពី៦ខែឡើងទៅ។
២.ទទួលបានការបញ្ចុះតម្លៃពិសេស២០%សម្រាប់សិស្សានុសិស្សដែលបានសិក្សាបានចាប់ពី១ឆ្នាំឡើងទៅ។

-គុណសម្បត្តិនៃការរៀនតាមអនឡាញផ្ទាល់ជាមួយគ្រូ
១.មិនអស់ថ្លៃចំណាយលើមធ្យោបាយធ្វើដំណើរ
២.ចំណេញពេលវេលាក្នុងការធ្វើដំណើរ
៣.ស្ងប់ស្ងាត់ក្នុងការរៀន អាចផ្ចង់អារម្មណ៍មានល្អ
៤.កាត់បន្ថយភាពខ្មាស់អៀន(អ្នកខ្លះមានវ័យជ្រេ ជាដើម)
៥.ទោះជានៅឆ្ងាយដាច់ស្រយ៉ាលក៏អាចរៀនបាន
៦.កាត់បន្ថយគ្រោះថ្នាក់ (ធ្វើដំណើរតាមផ្លូវអាចមានគ្រោះថ្នាក់ដោយយថាហេតុ)
៧.កាត់បន្ថយភាពនឿយហត់ (នឿយហត់ក្នុងការធ្វើដំណើរ)

-គុណសម្បត្តិនៃការសិក្សាអនឡាញតាមវីដេអូ
១.អ្នករវល់ក៏អាចរៀនបានដែរ
២.អាចរៀនបានគ្រប់ពេលគ្រប់ទីកន្លែង
៣.រៀនម្តងហើយមិនច្បាស់អាចរៀនម្តងទៀតបាន
៤.បើរៀនហើយមានចំណុចណាមិនច្បាស់ ឬមានចម្ងល់អាចសួរលោកគ្រូបាន
៥.អាចរៀនបានលឿននិងចេះច្បាស់ (ចំណុចណាដែលយល់ហើយមិនចាំបាច់រៀនក៏បាន)
៦.ចុះឈ្មោះតែ១ដងអាចរៀនបានរហូត
៧.គ្រប់ចំណុចគឺមានការពន្យល់លម្អិតច្បាស់លាស់